平日嘅旺角已經夠擠迫，最近仲要加埋啲唔臭米氣、來自各大專院校嘅準大學生喺度攪攪鎮。

由於新學年將至，呢班小朋友就喺度進行佢哋嘅O-Camp活動。今日就有一班非常冇禮貌嘅準大學生，喺行人天橋上，失驚無神咁走埋嚟就講：「有冇卡片呀？」大佬，打劫呀？一行埋嚟就要攞嘢？又唔介紹自己係乜水做乜要我俾嘢你？你攞我張卡片去叫雞後話數咁我點算呀？

仲有喺商場入面，另一班死仔包死女包成身臭汗咁衝入電梯，整到架電梯臭晒唔在講，仲用濕晒嘅身體加T裇撞到人，連sorry到冇一句，真係想醒佢兩巴掌。

乜O-CAMP唔係喺自己學校玩屎玩尿玩成人遊戲嘅咩？做乜要走去商場騷擾廣大市民？