今日係一個好日子 - 食咗一個超飽嘅日式任叫任食午餐次後，就去老鼠城「行街」幫助消化，又喺嗰度見到Wall．E。不過我覺得最「感覺良好(feel good)」嘅，係見到有一家四口搭地鐵 - 老人家、一對年青夫婦同一個BB。老人家不良於行，所以坐喺輪椅上，而BB就坐喺老人家(可能係「公公」或者「爺爺」，因為年青少婦叫老人家做「阿爸」- 但呢個唔係重點)大肶上面。對夫婦雖然喺度傾緊計，但亦冇忽略老人家同BB，不時同BB玩，又關心老人家抱住BB攰唔攰。真係一幅「父慈子/女孝」嘅美好圖片。然而，市面上呢種畫面好似已經絕跡好耐...

今日我心靈(見到呢幅天倫圖)同肉體上(食得好飽)都好滿足...