琴晚上堂收到新聞短訊，話日本首相福田康夫辭職。今朝聽新聞話，原來係因為在野黨嘅反對勢力。我對日本(人)好失望。

有困難乜唔係要面對咩？佢依家係lead一個國家，而唔係一間公司或者一group仔人。有不同意見，頂唔順就quit俾第二個做，問題依然存在。點解唔試吓同在野黨以國家利益為前提，好好坐底傾吓國家嘅方向應該係點？畢竟國家經濟已經差咗好耐，再攪落去只會更雪上加霜。(唔通真係要靠輸出3 / 4仔振興日本經濟？)

原來福田已經係呢個黨第二個「著草」總裁，睇嚟日本人喺下一次大選要睇清楚先好選。