今日休假，帶兩老去醫院覆診。朝早仲有啲時間，就送彤彤返學。一路上見到好多媽媽帶小朋友返學，佢哋俾我嘅感覺好溫馨。 

媽媽嘅手唔係緊握小朋友嘅小手，就係雙手緊抱小朋友；儘管媽媽嘅衣著可能唔係好靚好光鮮，但小朋友用嘅嘢就一定係最時興嘅。媽媽就算成身濕晒，都唔會俾小朋友淋到半滴雨；個個小朋友嘅面上都有可愛嘅笑容，反影喺媽媽面上，就係「幸福」兩個字。

回想當日我返幼稚園，4歲嘅我由9歲嘅大哥帶穿我返學，入到課室都唔放手俾佢走，每日都要由上堂喊到放學，攪到大哥唔放心返屋企；直到高班轉去另一間幼稚園，由姑媽帶返學，情況有些少改善，不過仍然每日一喊，姑媽亦陪我一齊上堂。我嘅裙仔唔係名牌，但都係購自百貨公司。姨媽姑姐、契爺契媽、表姐表哥，無一個唔錫我鍚到出面入骨。原來我喺屋企人嘅心中，亦曾經係一樣...

如珠．如寶。