我好嬲 - 點解啲南韓人話就話要和平提出佢哋嘅訴求，但仲要衝擊香港警察的防線？香港人已經容忍佢哋連日來多次嘅遊行示威，導致港人諸多不便，今次仲整鑊勁嘅喺馬路上橫衝直撞，攪到成個灣仔癱瘓晒。香港自67年暴動後已經再無咁大型嘅騷亂，呢次令「愛和平、愛自由」嘅香港人 - 我 - 萬二分不滿。佢哋咁做只可以宣洩佢哋嘅不滿，但世貿班人會唔會理佢哋？ I don't think so.

呢個係一個不能以我嘅智慧解決嘅問題，但無論乜問題都好，用暴 / 武力根本唔可以解決到，又可苦呢？

香港警察做得好好，充分表現東道主的大量、克制同容忍。我從來都唔係咁鍾意警察，但第一次，我真係覺得佢哋好可敬。