最後倒數再次開始，不過今次無我份。

回想當日大家聽到公司「倒閉」消息時，眾人無不萬二分驚訝。然後獲悉有人留底有人走，所有人嘅真面目一一浮現：有人不可一世(我有得留底你就無喇~)，有人失望(做到高層公司都唔要)，有人「盤pair」(你不仁我不義)，更有人不時露出酸溜溜嘅神情(你就好啦可以留番喺度~)同講出有骨嘅說話(公司唔知幾時又再整多鑊咁金嘅啫~)。短短兩個月，就可以比我看盡世情，底到爛！

始終，時間唔會因為呢啲小事停底比我哋唏噓。三個月之期快滿，分開係既成嘅事實，我哋可以做嘅，就只係爭取時間，留一個好嘅形象喺人哋嘅心入面。而另一方面，我要學長大，因為喺之後嘅日子，呢條路就只有我自己一個人行。