今日得閒又眾人放假，走咗返公司「整理」一大堆舊相片。佢哋記錄我做咗咁多年人嘅一點一滴。有開心，有唔開心；有想忘記，亦有想永遠留喺記憶入便嘅人同事。

相片中有天真不知愁嘅我，亦有少年時扮cool嘅我；再有一次又一次嘅外遊足跡，同我至愛至親嘅家人同好友嘅印記。當中有已離開我嘅爺爺，健康嘅父母，喺我人生路一直陪住我嘅好朋友，呢啲都係我想永永遠遠放喺心入便嘅回憶；當中亦有一啲我想忘記嘅人。我選舉留底佢哋嘅相，係因為無論點，佢哋都係我回憶嘅一部份。睇吓將來老咗有一日，會唔會記得佢哋曾經令我心痛？