喺我咁多次嘅外遊經驗中，除咗落雨，就係行錯路、搭錯車。今次亦唔例外，不過只要搭番一個站就OK。

今日去咗一個一般旅行團唔會去嘅地方 - 柴又。呢個係當年電影「男人四十慐居居」故事嘅場境，同時亦係一個有歷史意義嘅地方。因為呢個鎮仔有個地方叫矢切，佢有一條自幕府時代就有嘅渡船服務。以前啲人搭佢過對面河耕田，依家就只係只有觀光用途。

下晝就去番一啲指定嘅地方。先去上野嘅二木果子買手信，返酒店再去澀谷再買手信。行夠買夠就食晚餐。今晚好豪，食咗一個雞泡魚餐，成2百幾3百蚊一位架~

題外話 - 去旅行最衰莫過於有親戚到訪，所以呢我幾日都死吓死吓咁。寄語各位 - 如果有日你嘅同行人喺旅途中成日喊攰、容易發脾氣，請容忍 - 因為女人嘅姨媽每個月都經常不請自來，而且叫都唔走；一係就叫極都唔嚟。點解男人無姨丈到???