今個月好激 - 因為小女子我又離家出門。今次係美國加州嘅Torrance，離洛杉磯機場只需15分鐘。

由於係夜機，我上晝先pack行李。出門多咗，就應該唔會咁緊張，但我就係萬二分緊張。(特此澄清：「出門多咗」一句完全無晒命成分)11點半機，7點就出門口。一切都好順利check in、入閘、登機、起飛、到埗。當中我最滿意嘅係13個鐘嘅航程，我起碼瞓咗8-9個鐘。

不過入境就唔多順行。首先啲海關做嘢嘅速度可能係全世界最慢；then，佢哋嘅detail程度無人能及(e.g. 你做乜存？你嚟做乜？幾時返去呀？)Come on，我留喺度做乜呀？你有寶呀？超~!

用咗大約45分鐘，終於可以去攞行李，但一班機嘅行李分兩條運輸帶出。見過未呀？？？不過好在搭的士過程就非常順利，我將抄底嘅酒店direction比司機睇，一睇就明，15分鐘就到。

不過呢間酒店好掂。房入面有蒸餾咖啡機，但煲水呢？自己諗啦，我就用蒸餾咖啡機煲水喇~我都知方圓幾里都唔慌有(好)嘢食，所以帶咗杯麵嚟，但估唔到房入面竟然連叉到無隻，今次真係無叉用...