終於完成4日嘅assignment，可以返屋企喇。印尼唔係唔好，但始終係言語不通，而且治安又比泰國差，一個女仔都唔係咁方便自己一個人周圍走，所以去嘅地方就只有酒店、公司。不過酒店啲嘢真係又貴又唔好食，一餐日本菜要300幾蚊港紙，最慘係唔係太好食。

啱啱著鞋果陣見到對波鞋有啲爛，但著起嚟好舒服，所以唔捨得丟。我諗人同嘢都係一樣舊嘅好。酒係舊嘅酵，牛仔褲亦都係舊嘅舒服，而朋友更加係舊嘅好，因為佢哋會比你自己更了解你 - 你啲缺點、你啲優點，最仲有係你啲死穴，唔會吓吓「中」你嘅要害。

上天對我好好，我就有幾個好朋友- 非常好果種。我哋關心對方，仲有佢哋嘅家人同伴侶。朋友唔駛多0架，1兩個，好嘅就夠啦。就好以男人咁，一個好男朋友/老公對自己好就夠，太多男人對你好唔代表你有吸引力。有一個作家話，如果你不斷吸引好多不同嘅男人，你嘅言行舉止一定啲嘢令人不斷誤會。

Oh my god~ 我越撐越遠啦~