喺亞洲國際台睇James Blunt喺電視嘅mini concert。歌手唔駛喺個台度「生蝦咁跳」，唔駛著幾萬蚊嘅「華服」，歌迷唔駛舉牌，唔駛叫歌手個名，同唔駛尖叫，一場好舒服嘅concert。

台上嘅James Blunt牛記笠記，最貴嘅可能係個結他。台下嘅歌迷只需要投入台上樂手嘅現場音樂伴奏，同歌者嘅歌，仲有喺一首首嘅歌唱完後報以熱烈掌聲。That's it - 咁樣聽歌先係尊重歌手、樂手同尊重自己。

香港各位「歌星」嘅「粉絲」，請你哋學吓人哋睇concert嘅文化。最重要一點：就算你唔鍾意果位「歌星」，都唔好「嘘」人哋 - 人哋都有阿媽生0架~