本文並無歧視成份，純粹記錄琴日我喺老鼠城嘅所見所聞。

(1) 內地同胞非常熱情，喜愛身體接觸，所以喺排隊時經常緊貼你嘅背後，仲會喺坐低嘅時候同你「擠一點」(請用普通話發音)。

(2) 佢哋喜歡「快人一步，理想達到」，所以不時會喺你背後「推你一把」，唔係就好似無綫咁「走在最前」。

(3) 佢哋大部份都好親切，不假手於他人，所以玩完機動遊戲會自己「開門」離開，唔駛工作人員操勞。

(4) 有啲內地同胞好為他人設想，怕老鼠城地方空曠而且人多，所以講嘢時會大聲啲。

(5) 佢哋有原則，話咗咁就係咁，一於無情講。所以話之你啲工作人員扮卡通人物扮到就嚟死，佢要同你影相，你就一定要同佢影。

以上只係冰山一角 ...