一個我唔知係talk show定係話劇嘅...show。喺一個父系氏族嘅中國 / 香港，有一個咁女性嘅節目，係咪好令人期待？所以場場爆仲要加場係正常嘅。
我去睇呢個show，50%係因為佢嘅題材，30%係因為羅冠蘭，25%係因為郭錦恩，剩低5%係焦媛。但令人意外嘅係，焦媛嘅演出非常出色。佢可以恰當咁演繹小女孩嘅聲音同神態，可以完全放開自己。羅冠蘭唔知係咪入咗公仔箱，所以有啲造作。郭錦恩呢個鬼妹完全記得晒所有廣東話對白，又係另一意外驚喜。
個show講所有平日女人唔敢講嘅嘢：陰道、陰毛、陰核、性愛、高潮、性興奮、造愛 ... 仲有粗口！女人可以完全擺脫平日比人攪到鵪鶉晒嘅形象，想講乜就講乜... 最精彩嘅係三個女人喺台上面呻吟，唔知啲男觀眾有無啲心跳加速、口乾同...某啲部位擴張 ... 我嘅意思係因為佢哋大膽同性感嘅言行而有啲目瞪口呆？
不過，有一part講到女性喺性嘅層面受到不公平對待 - 強姦，真係好令人痛心。而就後就以一個女人喺現眼目睹個孫嘅出生讚頌陰道嘅偉大。呢個show個叫Vargina Monologue一啲都無改錯名，陰道嘅自白，只不過係經過女人個口講出嚟。
|
