(1) 今日，我第一次去我嘅新office。個floor plan話我間房有87呎。Good呀，我屋企間睡房都只係得49呎。大好多喇~！

(2) 今日去旅行社開茶會。10幾年前第一，亦係唯一嘅一次跟團，開茶會時係真係飲嘢咋，仲係一人包果隻。今日，好好多喇！自助飲品，你鐘意飲幾多都得；仲有麵包、蛋糕任食。感覺幾幸福~

(3) 今日上律師樓簽契。我大筆一揮，從此就無liability喇；我大筆一揮，就有一張大額支票過我手 - 感覺都幾過癮架。

(4) 今晚，去完律師樓搭巴士返屋企時，途經銅鑼灣前避風塘，看到尖沙咀嘅夜境。我覺得一啲都唔靚，但係喺山頂睇好鬼死靚架喎？？？係咪因為太近？同一道理，咁係咪睇乜嘢都退一步就會睇真啲呢？唔怪得發哥話退一步會海闊天空啦 ...