劉小姐同台灣首富郭伯伯嘅事件，令一眾梁先生影迷扼腕。好多人唔明，劉小姐點解要離開一個對自己不離不棄嘅男人？當日某雜誌刊登佢比人影嘅裸照時，邊個喺佢身邊支持佢？錢係咪真係咁重要？

我哋局外人永遠唔知點解。有無可能係梁先生唔肯同佢結婚？又或者有其他不為外人知嘅原因？

我作為一個普通而正常嘅人，會覺得如果劉小姐真係離開梁先生，而轉向年老多金嘅暴發戶，絕對唔可以原諒。但如果站喺劉小姐嘅立場，又有可不可？自己年紀都已經唔細，又開始年老色衰。再唔泊返一個大碼頭，下半世都唔知點算。

唉~！問世間情是可物，直教人生死相許 ...