每日返工都會經過海底隧道，而隧道入口有好多巨型廣告，其中一個係西九龍中心嘅。一向呢個商場都會用性感美女做招徠，但今次就令我好不安。
廣告中嘅美女好瘦，合乎一般模特兒嘅基本條件；而且係平胸，可以用「波平如鏡」嚟形容。但佢仲要作性感狀，單手遮住佢個飛機場，令我有啲唔係好舒服；而模特兒個只著上bra top 同熱褲嘅嬌軀，就打有啲好似手袋嘅圖案，搞到佢好似一個人肉Gucci袋，好得人驚。
我依家每日搭巴士返工經過隧道口都一定要刻意唔望呢個廣告，費事令自己情緒不安。
