近日有兩單新聞，令平靜嘅香港除咗大細契之外，都仲有啲話題。

(1) 中大情色版 - 某程度上我都幾保守，覺得有啲嘢你可以諗，但唔可以講同寫出嚟。果啲自以為大個仔大個女嘅「大學生」，喺校報上問咗啲令我唔識形容嘅問題：有無諗過同父母性交？有無諗過同動物性交？好，我就問番佢哋：有無諗過同自己父母性交？有無諗過同佢哋隻狗做愛？唔好用日本咸片相比，因為劇中人根本唔係一家人，所以唔可以話係亂倫。如果佢哋會同隻動物做愛，咁係咪話佢哋自己唔係人？如果佢哋覺得自己已經係一個大人、大學生，請尊重自己有獨立思考嘅能力，知道道德人倫係乜。

(2) 投訴聖經 - 我唔係一個忠實信徒、我無睇晒成本聖經，所以唔知佢哋投訴嘅果段亂倫殺人嘅情節係乜。但我係一個language student，我會覺得係可能喺翻譯過程中，有人加啲減啲，成為比人投訴嘅版本。所以我建議啲投訴人，先睇完希伯來文版本嘅原文再投訴。