我每日除咗要睇CV叫人嚟見工之外，我嘅工作亦包括障礙短跑。

前幾日當門鐘仲未裝好嘅時候，每次有人嚟公司都會打我個直線電話，我再出去開門。今日雖然話門鐘裝好咗，但我都要去開門，因為細過我嘅都仲未請，而佢哋要聽電話，又點可以幫我開門呢？

話係障礙短跑，係因為從我個位去到門口唔係直路，而且中間有好多枱，再加上要快啲開門，所以要走得好快。

你估咁走法可唔可以會有得瘦啲吖？？？