乜嘢係美麗？唔係一啲化「行」妝、著名牌、扮cool、青春少艾、目高於頂...嘅女性？通通無佢哋份。美麗同靚係一種氣氛，唔係單從女性身上發出。

喺地鐵上我見到一對年紀都唔輕嘅中年「情侶」，分開嚟睇，男嘅唔俊，女嘅唔美，但見佢哋二人輕聲細語 - 我重複，係& 只係輕聲細語，無2級半咀咀同摸摸場面出現，好warm。佢哋身造出嚟氣氛同感覺就係「美麗」。

相反一對年輕男女，男嘅...型囉(我唔識形容一個喺下巴留羊咩鬚嘅男人)，女嘅...潮囉(總之唔係靚啦)。我只係因為好奇望咗佢「條仔」(可能只係同行人咋)幾眼，就比佢用可以殺死我三千次嘅可怕眼神「啤」住。好得人驚！你話啦，呢啲咁嘅couple(事實仲唔知係咪喎...)有乜可觀性吖 ...