真係同人唔同命。平日比人話係傻佬嘅九龍皇帝一朝仙遊，竟然可以上新聞版，仲有啲係頭條。哈~ 香港人真係好嘢！

曾幾何時，佢喺天星碼頭四圍寫大字，以前嘅市政局又要拉又要鎖。到有人發現佢嘅字係寶，話有本土特色嘅時候，啲人又當佢係神咁拜，攞佢啲「大作」印成布造衫。我好記得當年「皇上」係有攞綜緩嘅，唔知邊條友話因為有人買佢嘅大作而有收入，所以唔比綜緩佢。哈~ 咁「長毛」做咗議員，每月有幾萬銀收入，係咪要踢佢出佢住緊間公屋呢？

不過點都好，「皇上」已經仙遊，佢亦做到人死留名。佢喺九泉之下都應該覺得安慰囉~