近日聽返雪狼湖嘅OST，令我一再回味呢個老套又歷久彌新嘅愛情故事。可能大家嘅注意力會放喺，寧靜雪被梁直殺後，胡狼痛不欲生。呢啲係人之常情。但寧玉鳳(寧靜雪家姐)又會點呢？寧靜雪死後佢同胡狼有冇可能發展出另一段感情(雖然故事話胡狼抱住寧靜雪嘅遺體，沉入雪狼湖中)？梁直殺咗寧靜雪之後會唔會比人拉去坐監(雖然故事話佢逃走咗)？寧母喺寧靜雪被殺、梁直可能入獄而令佢生活無依靠時(佢一向都唔錫玉鳳)，佢又會點？

我用紅色，係因為紅，係寧靜雪嘅顏色：紅笑臉、紅裙、紅絲巾...