世上有一見鍾情嘅故事(又或者係你一見就好喜歡一個人，而其中唔一定有愛情嘅成份)，但大多數都係因了解而分開。我雖然冇一見鍾情嘅經歷，但同一啲人相處耐咗，你就會知道嗰個人係唔係我杯茶/件餅。我呀老闆大人，就係一個同我一啲都唔夾嘅人，所以喺任何情況下，我同佢只可以維持工事上嘅關係。
試諗吓一向比男仔更大而化之嘅我，點可以容忍一個男性成日 同你講：「咁食/飲法肥死你呀」；又或者係「點點點會靚啲唧」... 不過我諗我最頂唔順嘅係佢越來越「縮骨」。我只係要求一個headcount幫我做嘢，佢都推三推四。佢不斷咁試我嘅底線，而佢真係成功 - 佢已經試到。所以朋友們，有工作vacancy不妨話我知，我已經唔想再留底。
