雖然係我比錢，但我好開心 - 因為我兩個冇乜心肝嘅大佬竟然記得，仲同我講「Happy Birthday」。

有時覺得人大咗，就算係一家人，相處時間亦會少咗，自不然就會越來越生疏。我姑姐曾經同我講，佢哋兄妹幾個咁生疏就係好失敗，一生人就剩番三兄妹，父母走咗就只係佢哋幾個人，叫我哋唔好學佢哋。呢番說話我記到今日，直至我死。既然我仲afford得起，又有乜所謂呢？

三佬講得啱，都係自己人一齊開心啲，我哋大吃大喝又大聲講嘢，唔駛顧儀態，好free、好自在。一個好飽又好開心嘅lunch。