一個純聽覺享受嘅音樂會。冇華服、冇dancer，但個台同啲backdrop嘅computer graphic好正 - 當然包括演出者、啲音樂同和音啦。只不過我唔係死忠fans，所以有95%佢唱嘅歌我都唔識。但佢把聲亦都可以用「天籟」嚟形容。
又見到Patrick做Sandy嘅backup vocalist，令我諗返起Sandy嘅第一次Concert，亦係用佢 - 原來已經係10幾年前嘅事喇。
歲月如飛。
不得不提，由完場到我返到柴灣屋企入到屋，只係用咗我60分鐘 - 全因有聰明嘅小巴司機喺會場門外等客，提供$20由九龍灣到銅鑼灣/灣仔嘅亡命小巴服務，需時只要15分鐘。超正~
