第一次去中大係N年前做小朋友嗰陣去中大遊行，覺得嗰度好大、好靚，喺度讀書會好開心。30幾年後，夢想終於成真。今日我就要返學校 - 不過係交功課。

中大真係一間名副其實嘅「大學」，好大間嘅學校。由火車站上山去新亞書院要搭15分鐘嘅校巴，由新亞去本部又要5 分鐘嘅搭校巴。唔搭車？得，行落山啦，10分鐘就到，不過係行落山喎~ 再由本部落返去火車站又要搭5-10分鐘校巴。唔搭車？亦得，行落山啦，20分鐘就到，不過係行落山喎~

我就咁行咗差唔多20分鐘，由本部返火車站，再搭火車返公司。返到公司腳仔都軟晒。行都唔係最慘，最慘係每次等車要花最少10-15分鐘，仲耐過用腳行...

敬告各位年青人，多運動，身體好呀~