一連兩晚都發一啲有關去旅行嘅夢，係咪意味住我有遠行？

第一晚係同唔記得係邊個去旅行，中途要喺杜拜轉機。果度你一睇就知係富貴之地杜拜，因為啲樓係金色外牆0架！！！奇怪事係唔知係喺香港上機前定係喺杜拜轉機嗰陣，我要穿過香港迪士尼樂園先至可以上到飛機！！！哈？！

第二晚個夢係同Mamee同Georg跟一個group去曼谷，入住一間五星級酒店。我間房喺20樓，check-in入房放行李都冇事。但當我一個人再返房嗰陣，每次搭電梯唔係停19樓就係其他樓層，永遠唔停20樓。OK~ 咁咪唔返房囉！但後來我先諗起間酒店係「Le Merdien」，即係傳說中好猛嗰間。有呟驚，但又搵唔到Mamee，就打電話比佢，原來佢喺「Big Six」(？？？) shopping緊。問咗位置，就搭的士過去。架的士係一架細到好似smartcar咁「大」架嘅車，而個司機係一個識講廣東話嘅華人。佢係咁問我嘢，最後，原來我上咗一架... 係我知道佢想點之前，隔離房個鐘響，咁我就醒咗。

到底點解有啲咁嘅夢？不過我真係好想放假去旅行呀 ...