一切事都係咁。功多就自然藝熟，而疏懶就會漸漸唔記得，以致失去嗰種能力。唔知係咪因為父母有病，我從佢哋身上感受唔到「愛」(其實佢哋自己都攪唔掂自己喇~)，而我啲阿哥們亦自顧不暇，所以漸漸 - 其實係我怕 - 自己會，或者已經失去愛嘅能力。

真係好驚。其實我已經開始感覺到，自己越來越「冷」 - 唔係cool。我對好多嘢再無以前嘅熱誠，乜都諗到最壞嘅後果；而因為咁，開始唔再想 - 其實都係「怕」 - 付出。對工作如是，對人亦如是。向好一方面諗，咁即係我嘅自制能力越來越好啦~ 但... 我可以點先唔會冷落去？呢樣嘢似乎唔喺我嘅能力控制範圍裡面... 而痛嘅感覺真係好痛 ...

好驚 ...  真係好驚 ...