此話當真。本來琴日到埗嗰陣仲好天好地，10度都唔係好凍。但今朝睇天氣報告，最高只有9度，而且...

有雨，仲係幾大嗰隻

喺大風大雨的一天出發 - 而且仲好凍 ...

我今日去咗鹿兒島，兩個多鐘頭車，其中包括過對面月台轉車 - 真係cutie。其實我都唔算去嗰度，我只係過路或者叫「取道」去櫻島。唉~ 原本嗰度都只係陰天，點只我一買咗飛「環島遊」就開始落狗屎咁。睇火山？睇霧就真，激得我吖，好在唔係打的咋~ 觀光巴士要1,700円，打的要8,000円呀~ 好在... 好在 ...

講開又講，去到咁遠都竟然比我撞到香港人喺同一架觀光巴士~ 世界真細小小小，小得真奇妙妙妙 ...