又病喇~  估唔到一向身壯力健嘅我會喺年尾病咗，希望我出年健康運會好啲。

一個人病就最需要人安慰 - 因為我係人，所以唔例外。但我冇。事緣一：我老母又「發顛」，我要以病體幫佢去「睇醫生」攞藥。事緣二，拜香港「健全」嘅醫療體制所賜，我要用兩三個鐘頭幫呀媽睇醫生同攞藥。返到屋企冇飯食唔在講，仲要比人(呢個人係我老豆)「潤」，話「出街」都唔講底返唔返嚟食飯。好灰。最灰係我病，完全冇人會關心。我諗有一日，如果我要入廠甚至入土為安，屋企人只會以為我唔知去咗邊...

瞓覺嗰陣我忽然諗：諸位神明如果邊位可以嘅話，請帶我離開呢個世界，做人真係好灰。