自從舊年入秋開始癮起做織女，至今大大話話都織咗幾件「製成品」 - 有三角披肩、巨大開胸背心、巨型斗篷、三條頸巾同半件冷衫，其中有比老豆老母同「捐」比故衣車，只有一件自用。我已經好開心喇，女紅係我嘅死穴，而耐性就更係負數，今年我竟然可以打破常規可以有番幾件製成品，你話係咪可喜可賀？
我嘅新年願望係喺出年可以織完一件冷衫，願天上眾神明保祐。
