一陣「淫照」 / 「艷照」(或者乜照都好) 風波，阿嬌終於現身。不論嗰篇新聞稿係邊個寫嘅，我都要寫個服字。

「係呀，啲相嗰個係我呀。真係好慘，我冇帶眼識人~」(設計對白)

呢個社會笑貧不笑娼，而且佢又唔係賣。況且，當時係男歡女愛，點知會有人唔小心處理啲相，仲搞到比人利用喎？再且個男嘅原來咁濫，而且仲著草走人，完全唔負責任，剩底啲女受害者面對群眾。作為其中一個受害者，阿嬌真係好慘。

佢今次認咗，只會令大群對「玉女」一詞嘅幻想破滅，但對佢嘅個人嘅形象分會有可能大增。有人話過「喺嗰度跌就要喺嗰度爬起身」，佢起碼可以塞住班人把口。醜係一時，佢喺呢個圈仲大有發展。大家忘記咗有鄭中基做前車之鑑咩？佢今日咪幾好~

阿嬌，明天會更好 ...