成日都見到啲好得意嘅現象： 男人喺女人面前，會變成江湖百曉生，上至天文，下至地理，中西史記，無一不通，而且更係萬能俠、大隻佬、阿諾舒華辛力加... 而女人喺男人面前，就會變成一個乜都唔識嘅白痴，一個手不能提嘅殘廢，同埋異常嬌弱嘅易碎玻璃人 ...

或者就係咁，男女可以互相滿足對方嘅主觀願望，可以喺埋一齊，達至世界和平。如果有一日，男嘅開始唔再擔任江湖百曉生嘅職責，而女嘅又開始表現出女權主義霸氣嘅一面，到咗某一點，當雙方都唔再容忍對方，就有「分手」呢個現象產生。

我諗就因為整個過程重復又重復，所以「拍拖」就成為其中一個有史以來，歷久不衰嘅現象。