今次北京奧運，真係令我獲益良多 - 原來奧運聖火喺希臘點咗之後、奧運會完結前係可以整熄，然後再點翻0架~

電視轉播嘅好處，係可以令你睇番成件事嘅過程。官方報導話你因為要保護聖火嘅尊嚴(？)，所以要整熄佢。但電視轉播時，見到個示威人士好似已經比當地警察「行」住，埋唔到傳聖火嗰個運動員身體喎？而且嗰啲「保安人員」好似好過癮咁，整熄完一次又一次(sorry，電視新聞剪埋一條片，搞到佢好似不斷重覆咁做，好似好好玩咁...)，咁原本好神聖莊嚴嘅聖火，又好有尊嚴咩？

今次北京奧運，係一套長篇、連續、有教育意義嘅喜劇... 笑爆咀 ...