有說話因為「 蟑螂」嘅打不死同勁強嘅生命力，所以將來統治地球嘅會係「蟑螂」。

我生命力唔算強，但我都算係打不死。就例如面對我老豆日常嘅單單打打，同佢百彈齋齋主嘅習慣，我都仲可以徹底發揮我嘅「時運高，聽/睇唔到」。自我有記憶以來，我做嘅所有事，未有一件啱佢心意，又或者佢會讚一吓 - 就係一吓咁多都冇。就連最經典例子我喺醫院簽名同意佢做通波仔手術都係錯，而且大錯特錯。整嘢比佢食就更係法國大餐 - 「多舊魚」。

原來錯到最錯，係我生成做佢個女。