近來公司又請人，而且係一次過兩個post。其中一個我唔擔心，因為依家係畢業生搵工季節，一定有supply。我只係擔心另一個post - 係呀，又係倉呀，要中五程度操流利英語嗰個呀。今之都算好彩，有幾個盲毛應徵。就因為咁，開始佢哋一個難忘嘅經歷。 

一般人見工，會俾僱主問到口啞啞，見完工會喉痛聲沙。但嚟我公司見工，見完你要用耳舒潔，因為由開始interview嗰一刻開始，你就要受噪音攻擊，而且係好大聲嗰隻。In你嗰個人會不停講不停講... 你只需要同可以做一兩個簡單嘅反應。十足十俾人「盤」。而順利獲公司聘請嗰個，就開始佢喺我哋公司悲慘嘅遭遇 ...

我情不自禁咁問：究竟「嗰條友」想知我哋份工啱唔啱個應徵者，定係個應徵者希望我哋會請佢呢？