一向唔係韓劇迷，但為咗今之放假去韓國，我要惡補。因為我個同伴話想去南怡島(註：開頭聽我以為係「男兒島」，我仲問有無「女兒國」？)。嗰度係拍「冬日戀歌」嘅重要場景，為咗唔想去到嘅時候傻吓傻吓，第一件要做嘅事 - BT佢。足足用咗一日先download完，今個月電費真係巴黎國際機場 - 「載高樂」喇 (又或者係消暑飲品「大檸樂」) ~ 不過次係嘅仲大鑊，因為我要盡快煲完呢套，開始下一個任務。

下一個任務都仲係煲韓劇，不過係「咖啡王子一號店」。聽講話幾攪笑嘅~