昌德宮 - 同先前一日一樣，無特別感覺。但今日嘅體驗好得意：

(1) 因為昌德宮入面大部份嘅古物都保存得非常好，所以呢度係一個非常有歷史價值嘅地方。入內參觀嘅遊客必須要由導遊帶領先可以參觀。 

(2) 我哋join嘅係一個韓國人團，大約10個人，其中有70-80%嘅人唔懂韓文，所以由陪同外籍人士參觀嘅本地人為我哋有一句、冇一句咁翻譯。

(3) 由於唔識韓文，我要用日文同一個上年紀嘅公公溝通。原來咁都得~

睇完就移我哋嘅「玉步」去附近嘅宗廟。古代帝王都幾無聊，「祭祖」都要有一大撻地做事 - 無他，皇帝一代傳一代，而每皇帝又幾個老婆，一個皇朝都好多人。每年春秋二祭都唔少嘢做。難怪朝廷要有咁多官~

連住宗廟有昌慶宮，又係俾皇帝住。我諗一個皇帝有後宮三千又有咁多行宮，每人一間「炮房」絕對唔成問題。

接住係shopping time。外面落狗屎咁唔shop你話可以去邊度吖？