自少我有一項special talent：夢中聽電話。細個嗰陣呢項talent未發展成熟，所以會有攞錯嘢聽電話，如：煲蓋。

到咗今時今日，我嘅技術已經發展得爐火純青。就好似琴晚，返夜班嘅三佬打電話俾我，問一啲英文辭彙用嚟寫佢個report 。首先，我可以從夢中甦醒過嚟聽電話；第二，我個腦仲轉得幾快，完全明白佢講乜；第三，我腦入面嘅外語區仲未收工，仲識答老三嘅問題；不過我覺得最厲害嘅，係我仲可以喺一分鐘之內再瞓番。

就好似許氏兄弟話：點到你唔服？我真可以問鼎「睡寶」嘅寶座~