成套戲有啲悶，但因為有關故事發展，OK，忍你。片中精彩處，在於臨完場前一幕正宗「死人冧樓」戲，同Carrie喺盛怒下殺錯咗佢個宗教狂熱份子阿媽，好震撼；而最後一幕，同學Sue因為所有同學死得乾乾淨淨，同自己曾經對Carrie唔好而導致惶惶不可終日，更夢見Carrie從墓中伸出手捉住自己而嚇到半死，先真正咁嚇人。
我唔知以前嘅尺度係點，所以唔敢講套戲被BBC Channel4選為「史上最恐怖電影第27位」，係咪實至名歸，但的確，某啲場面係幾震撼，其中包括電影開始時，以拍三級片嘅攝影技巧影住Carrie沖涼。做乜喎？？？
