並唔係乜嘢摸住酒杯底，同人吹水唔抹咀；在我，可能只係發吽哣，望住個海，一時半刻嘅心靈平靜就已經好OK。同好朋友見面，就更加不在話下。

好朋友嘅定義，唔在於認識幾耐。認識越耐，越可以令我睇清一個人，所以有啲人會升格，由普通朋友變成好好嘅朋友；相反，有一啲會由所謂好朋友，慢慢俾我調低到普通朋友嘅級別。

日久見人心。

同Claire見面有時... 奇怪，在於佢可以一眼睇穿我：Michelle，你好像有什麼不開心的事... (國語人講國語)。我有一刻嘅尷尬，點解一個成年無見嘅朋友見到我，可以一眼就睇得出，而喺我身邊嘅人就察覺唔到？或者，佢哋只係唔關心。

Claire，我唔係唔開心，只係我似乎已經搵唔到開心嘅事同理由。喺悉尼嗰幾日，我可以用「行屍走肉」嚟形象我自己。我睇風景、影相，但喺翻睇相片時，我似乎搵唔到一啲感受，啲相好似唔係我影嘅一樣 - 冇feel。

不過，好多謝你令我相信，原來仲有人care我。謝謝(國語發音)！