一連幾日都係咁洛街搵工, 日日都差唔多行曬成個荃灣, 見到街邊好多鋪頭都請人, 來來去去都是請果d, 不是店務員就是收銀員丫待應果d, 人工又差唔多, 又唔會話有d特別高, 都是介於18~24到, 成個荃灣度度都請人, 但唔知自己係咪有問題, 所以有好多工都無去見到, 只是門口睇完佢張紙就走左去, 而琴日同小雞雞睇完"MI3"之後, 去左搵工, 結果去左千色店間Pizza hut到見工, 填完份野之後話等三日通知, 就在今日陪大周文搵工時, Pizza hut打左比我, 叫我去面試喎, 點知面到一半, 問左幾條問題, 就知到佢會請我, 果然佢問完之後就話請左, kaka果時超開心, 話曬唔曬人事關係都有人請, 但可能都是上年返過工, 有左經驗所以佢先請, 但無論如何下星期一就有得返工, 而且返一兩星期就有糧出, 可以唔洗由月頭等到月尾, 完成是超好, 最好就是之前問果d游會打電話來話請助教叫我面試, 然後請埋我, 咁就真是開心死我la, 而且人工還升了幾倍.

     今日去呂明才度考最後一課化學, 雖然講是講最後一課, 但是無特別重視佢, 反而比其他課更無心機溫, 一考完就知到d課聽死屎都得, 想合格完全是妙想天開無咩可能的事.

   考完之後返屋企一度食lunch一度睇"MI 1", 睇到一半洛左街陪小恆恆佢地買野同行左一陣, 之後同小肥雞走左去童軍中心到陪佢買鞋, 上到去發覺自己都有好耐無上過去同返集會囉, 遲d要找日返去睇下佢地班新仔新成點先得.

      連續一星期的考試終於完結, 現在只餘下最後一課"化學", 這課人人都話好易合格, 只要打開本書睇兩三次, 然後再揀d式背左佢就合格, 其實真的有咁易嗎? 好想快d知道.
     現在開始和15號近la, 大家決定之後果3個月點過咪呢, 但自己就決定左去搵工做la, 雖然咪知做咩好, 只要人工有3/4千到就ok嫁la, 多d都可以嫁. ^_^

          今日去左"呂明才"度考數學, 在坐巴士上去途中發覺今日人又多車又多, 就連的士都多個人, 最多果次見到有成十幾部的士停係前面等過燈位, 整到我上到去個預計時多左成十分鍾, 一上到去無幾耐就開始考, 但今次竟然不是去禮堂到考, 反而去左課室到考, 突然有種好似係學校到測驗的感覺, 但見人小小咁, 好似做什麼都好怪咁, 不過到最兕時, 無論比試卷定收試過速度都好快, 這過是十分之好因為唔洗我地等佢咁耐.
      今次考試唔單指見到阿Sue一個, 而且還見番好多個小同學`, 當大家見番大家時, 個個都好開心, 但我自己就失敗左小小la,, 因為人地就記得我果名, 但自己就唔記得左佢地個名, 只隱約記得佢地姓什麼, 變左自己好似好衰咁, 最後自己第下一部份開考時, 林左成個字之後先記得番曬佢地d名, 發覺佢地變左好多, 讀書果時勁的, 現家更勁, 果時明明是一個肥女仔, 以家變左個可人兒, 佢叫我時都差d型唔到佢, 總之佢地個個都到變左好多, 感覺上好似自己無咁變過咁, 唉~~失敗.......

      過了漫長的一星期, 整個星期唔洗考試d時間過得特別慢, 而聽日就要考數學, 然後一連幾日都要不停咁考, 完全是無咩時間去溫之後果幾科, 之後果d識唔識, 就要睇下之前準備好無, 好彩的是之後果幾科好早前就開始溫過, 所以到時應該都唔洗用好多時間去再溫過, 但這幾日就成日聽到其他人話唔夠時間溫, 都唔知佢地點, 希望大家都能比心機溫la, 考好這次會考佢.

     晚上無溫過書, 去左出面睇"我Miss係大佬", 一度睇自己感受好深, 可能大家都是就來畢業, 在往後的日子都要各散酉, 自己做自己事, 相見的時間減少, 所以都希望留下美好的回憶給大家, 而自己睇到最後那段時, 都有想喊的感覺, 希望到時囉份會考成績時唔好喊, 反而是開心到傻左la.....

      都有幾日無打日記囉, 並唔係我唔想打而是唔咩時間可以打, 雖然話時間是由自己分配, 但還是抽唔到, 結果在英文考完後第2日先抽到果dd時間出來, 會考都開始左差唔多成個星期, 而且還考左兩課, 但兩課的表現相差很遠, 考電腦時好有信心而考英文時就無咩, 好明顯的是英文的表現期差, 而且還要好多都是聽得明, 但唔識寫番出來, 結果白白浪費了機會, 一星期之後又開始考過, 還要一次過考4課, 都唔知自己溫唔溫得到, 但還是要多謝這一星期, 否則自己的情緒一定會因為英文的關係而影響埋其他課.

      這幾日就迫自己出去大窩口到溫書, 希望可以受到環境的影響走去溫書, 但自從考左兩課之後就成日唔集中精神, 成日林會考完左之後點, 如果返工又唔想去返哈記到返, 雖然今之做有人陪自己做, 但佢d野都差唔多學曬, 只欠一個位還差d先學完, 又無理由為左個小小野又就返入去做喎, 如果去找其他工人地又會話你無經驗年紀又細唔請, 但去走去學野又唔知學咩野好, 樣樣都想學, 但又無咁多時間又無咁多錢, 唉~~~都唔知點算好, 現家還是考好過會考先, 這d問題留返遲d先算la

      今朝竟然連教左電話兩個"罵鐘"都叫唔醒我, 好彩石頭唔知做咩打比我時先比個電話叫醒左, 但佢就比我cut左線, 之後就行去車站, 去到後本來林坐39A上去, 結果因為巴士站的情況改左坐39M上去, 一上到去就見到聖龍走左埋去同佢傾左陣, 之後一直係胡漢輝門口等佢開門, 足足等左佢15分鐘先開門, 到唔知是什麼學校那的, 要成班考生站起門口出面, 上到試場之後聽佢講野成10分鐘先開始, 而且還要人地貼貼字到一半先來講完全超x囉, 測完之後都幾滿意卷一的表意, 之後就睇佢地收卷, 還是第一次見收卷要收20分鐘, 完全是好無耐咁坐係度唔知做咩好, 之後一收完就同聖龍洛去講野, 講左唔夠5分鐘又上返去, 今次睇份卷差唔多題題都唔識, 好彩都最尾交時,都可以題題做曬, but最無信心是頭個兩題, 考完之後就唔坐車返去, 反而選左行返去, 一度行一到聽左幾個人電話, 還要覆返幾個短信, 之後一返到屋佐食完lunch就好眼訓, 都唔知做咩好, 又唔想溫書喎~~

      今日10點10分上到大窩口, 上到去就開始溫書, 10分鍾後本來話唔來的小雞雞都來埋, 以為佢咁好心出來陪我地溫, 原來是因為佢剛剛幫完佢ar爸手, 所以順手過來, 溫到12點15分到走左去荃豐間KFC到食, 去到先知原來佢想去食m但又唔知大窩口原來有所以走左去荃豐, 真是第一次見到d咁勁既人, 食完野返到去時鈞就早過我地返到去, 而且還溫緊書, 之後坐低唔足5分鐘就見人上來清理d唔知走左去邊度d人個位, 好彩同小雞雞早返左, 否則連我地個位都沒埋, 之後溫到3點到林住下去行下, 點知撞到我ar媽上來, 之後就一齊去左食下午茶, 佢兩個就"監監介介"咁坐係到, 由其是隻小雞雞一粒聲都唔出, 上到去之後sd左個短信比我ar哥, 因為小雞雞話想去返工喎, 所以幫佢問多次睇下內部應購有沒佢份, 在走時去到門口又走入去問過經理請唔請, 但個答案又同昨天問的一樣還是唔請, 去到晚上9點半到我ar哥打比我, 話佢真是想做的話聽日自己去再問過一個姓吳的經理或去問佢, 掛左線之後打比小雞雞同佢講, 講完又溫電腦囉, 還有3日就test la, 都唔知溫唔溫曬囉!!  話時話咁小雞雞咪欠我一個好大的人情囉, 叫佢做什麼好呢~~

      經過琴日一返商議後, 大家一致共識選擇去自修室溫書而決定唔返學校上物理, 因為返到去都可能只是唔知做咩, 所以都是去自修室自己溫好, 但本來林住遲d起身上去, 點知朝早就比人嘈醒左, 所以一早上去, 上到去慢慢食完個早餐先至入去囉證, 今之囉到的是6跪, 溫到11點半到就左洛去同人傾野, 一講就半個鐘, 之後小雞雞話要洛來, 結果洛到來無位, 變左坐左起我同ar短中間, 2個位3個人坐都真是幾xx, 之後出去食飯, 食完飯又溫下去, 直到走時, 小雞雞林住囉張證換去番張會員證, 但點知佢話唔見左, 哈哈, 之後就一度行一度講, 返到屋企無機耐, 佢話找返張證, 問佢邊度找番佢話唔知, 但就知道張證沒同人換左, 只合剛剛唔知去左邊.

      今日本來沒林住去大窩口溫書, 但老媽子以為我今日早上要上去, 所以買左早餐返來給我, 而我又唔想浪費左佢再加上係屋企又無野做, 所以一食完個早餐就走左上去, 今日比琴日早左成個鐘上去, 但結果佢比張坐位證我時同琴日一樣又是41號, 證明d人去自修室d時間不斷更早, 可能遲d去到要等佢開門排隊先有得用, 溫到12點半到去左去荃錦商場那邊食lunch, 雖然幾好食, 但因為人多足足等左差唔多成20分鐘先有得食, 當返到上去時發覺lunch食左成個幾鐘, 好彩沒人清自修室, 否則又無得溫, 而今日溫到超多野而又一d都唔眼訓, 相反鈞就溫溫下唔多想溫, 溫到5點到就走左, 之後係荃灣d商場行左1個鐘, 其間走左去機鋪打左一局機咁大擺, 之後再行多一陣就走左囉, 返到屋企又唔想溫書, 晚上可能又是睇電影渡過, 最可憐的事我阿哥換左部腦個底板同條RAM之後, 怕我打機唔溫書, 所以把部腦Lock左, 變左唔可以係自己間房上網, 成日要我走去另一間房用另一部電腦上網, 所以icq同msn以後都唔會點開, 咁大家會考其間要找我就要打比我la!~~~~