已經有一段好長的時間，沒有再打日誌，甚至連登入也沒有。
原因可能是因為日誌在智能電話出現後已經沒有那麼興旺，也許是因為與心情有關吧。
從前，有開心事有傷心事總會記下來，到年尾會總結一下全年發生過的事情。
到了今天，可能只是無聊的關係，就誕生了這一篇。
今天是2013年的11月中，2013年好快就會過去啦
回想起來，我已經讀完書出黎做嘢做咗5年啦，出黎咁耐就搵足咁耐嘢
到而家今日都係，每天的指定動作就係上招聘網
過往果幾年，我都不知道我自己得到甚麼
我也唔明白顧中的原因，大約係因為命運既關係掛
對於近年半黎，都係依到去果到去，邊到需要我就去邊到
外人睇黎係好既，好輕鬆，冇壓力，自由自在
但係對於我黎講，就係今日擔心聽日事
往往願望只有一個：可以找到一個適合我的地方
今學年初，上天給了我一個很好的機會
去了一個我覺得開心的地方，時間話長唔長，話短唔短，但我已經好知足，好好珍惜了。
但係原來這個美好的片段只是用來引發一連串的惡夢。
那麼夢幻的情景，應該是越長越好，但係，我係第一次咁想快啲結束。
因為我遇上了病魔。
這位病魔的來臨，令我沒有能力再工作下去。
我已經去求醫過很多次，試過很多的方法，卻沒有辦法對付這位人兄。
連中醫、西醫都試過，情況也沒有好轉，而該位人兄來探訪我的原因都是一個：不明。
讓我回顧高比仔既說話：
「沒有嬴不到的敵人，只有敵不過的傷病。」
真係講得好岩，未有病之前我已經知道，而家只會體會到另一個層次。
被挖眼的小斌斌說過：「很希望訓醒一覺之後能看到事物。」
而我而家就想：很想訓醒之後冇番事。
不過我知道是不可能的
| 
