九月去到最後一個星期啦
上幾個星期經歷咗幾樣野
過咗生日啦，有禮物收，有生日卡，仲有生日歌聽添
去過陸運會，但係氣氛終止唔夠自己間學校好
可能係因為個場太大，太曬，太熱啦
果到個小食部原來有老師價喎，但係都算貴
仲有一個家長會，我的第一次，搞到要星期六都要返學校

但係岩岩星期五收到一個好唔開心既消息
就係我果班有個同學要走啦，要轉校喎
佢初初同我講我仲以為佢係講吓，點知當日已經係最後一日啦
唉...佢仲要係全班數學成績最好既一個
最傷心既係，佢竟然要轉去一間仲差過而家依間既學校囉
如果佢去一間好既學校，就會替佢開心姐
但係佢要去一間仲差個囉，真係...
不過都希望佢快啲適應新環境啦，希望佢將來會開心啦

5:20   起身
5:50   出門
6:00   撘頭班車
7:05   到達銅鑼灣等校巴
依個就係我而家每一天返學既時間啦
行出門口到樓下果陣個天仲係黑既
清晨個銅鑼灣真係靜到冇人有，同平時迫爆人既情景簡直係一個強烈對比

9月1日   勁多野派，之後開學禮
9月2日   中一適應日，帶佢地一齊玩遊戲
              目的係想教識佢地要專心，聆聽，有禮貌，尊重別人，紀律等
              由朝早帶到中午，食飯都一齊，到晏就
              帶足一日就係冇停過

班相呀
9月3日    正式上課
               《有向數》俾個學生講咗話《冇向數》？？？
              又有個學生講到用百達通負錢黎做負數個例子喎，勁
              勁多通告要點，仲有錢同支票，冇得準時走
              走既時候見到兩個學生係到，原來佢地趕唔到校巴走唔到，屋企人又勁擔心
              結果我就同另一個老師一齊送佢地落山啦
下星期開始就要日日認真上堂啦，大家一齊俾心機啦