又一個星期啦
真係忙呀，係頭果3日裏面d堂係668囉
則係星期一有6堂，星期二有6堂，同埋星期三有8堂
但係今個星期有幾樣關於學校既野我都唔係咁滿意
第一就係關於考試既
佢地有一個比較特別既政策，特別到我覺得其他學校係唔會有既
就係係考試期間，高中番上就，初中番晏就
我都唔知點解會咁，好似學校唔夠課室用咁
我真係唔係好理解點定考試考晏就囉，搞到好似小學下就班咁
其實咁樣咪只會令d學生有懶既理由
如果考上就，咁學生就有成個下就同夜晚溫書
如果溫唔曬，可以夜小小訓或者第二朝早d起身再繼續溫
但係如果考晏就，淨係淨番個夜晚溫書
第二朝唔使早起身返學咪變得訓晏咗，個人懶咗，溫書時間又小咗
長遠黎計，學生成績一定冇考上就咁好個喎
而且香港全部日校公開試就係考上就架啦，到時佢地咪難以適應囉
第二就係個禮堂
星期二有香港舞蹈總會既人黎咗表演，係「其他學習經歷」黎既
但係只係俾中一同中四級入去禮堂睇
唔俾曬全校睇個原因唔係因為個禮堂唔夠大囉
而係佢CUT咗後半部有得佢空都唔俾其他級入去睇囉，都唔做咩
第三亦都係最最最過份既一件事
星期四朝早咪勁陰天既，仲有D微雨
我相信全香港冇學校係咁既天氣下會出去早會囉
但係依間會
佢地要叫D同學落去早會既原因係因為請咗個校友返黎做分享，所以就落雨都要同學早會
大佬呀，請咗個校友返黎遇正落雨都要變啦
可以開中央咪，亦都可以改早會地點係禮堂進行囉
學生就係到淋雨，你地高層就可以入去講，梗係唔知D學生有幾辛苦啦
最搞笑既係，慢慢有學生係到開遮，佢地都冇反應照係到講囉
講真，佢地講既野幾有用、幾有道理都冇用啦
根本佢地唔理解，係教育心理學上講既
學生如果唔係係一個舒服安全安心既環境下學習，根本就係冇用
點解佢地做到咁高層都會唔明白架？
講完唔好既野，講番好既野
我班仔仔玩「班際膠波仔比賽」，其實則係TKP既班際西瓜波比賽
被睇淡既情況下嬴咗呀，真係恭喜恭喜呀
之後就一齊影咗張相啦
你估吓佢地係FORM幾
| 
