講D好笑野先
今個星期我果班笑死咗囉
因為我出俾佢地做果份練習打錯字，仲要打錯得好離譜囉
係個標題打錯字，三角形的面積，打錯咗做三「個」形的面積
我都知衰架啦，同佢地講話「笑呢，你地而家好笑曬佢啦，笑完就唔好再笑啦」
結果都笑咗成堂，仲要有同學係到玩野囉
佢地問「阿SIR，三角形面積我識計啦，但係三個字面積我唔識喎，你可唔可以教吓我呀？」
仲有第二個問「阿SIR，請問三個形面積係咩呢？」
最玩野既就係，我係黑板個家課日誌到寫「工作紙：三角形的面積」
竟然有同學出黎擦咗我個「角」字，改到「個」字囉
搞到我都冇咁好氣
但係佢地笑得咁開心，我都開心既
今個星期開始冇咁忙啦
因為星期一晚個急救班係最後一堂
連星期二葵涌都係最後一堂啦
就係因為最後一堂既關係，所以我就要準備禮物啦
就係扭蛋啦，天水圍有，諗住一扭就扭10個
換曬D大餅，點知入第一個就壞機，慘
結果我就諗咗好多辦法啦，不過唔知行唔行得通
好彩之後俾我係荃灣搵到姐，都係一扭就扭10個
因為佢地咁岩要考英文ORAL，所以成日都差唔多冇上過堂
過咗大半堂之後先齊人，只係做咗一陣野
D扭蛋好得意呀，又好玩喎，係密碼儲物櫃黎架
  
    
係學校，我坐果個三號房係數理教老師坐既
原來佢地好多都好鐘意睇金田一個喎
我借咗套書俾佢地睇，之後我發覺套書已經最少有3個唔同人睇啦
哈，下星期我同我果班一齊去太空館呀
最近有好多人跳樓同企跳呀
雖然我知佢地背後一定有好多非跳不可既理由
心底裏有著千萬個想尋死既原因
但係只要相信，上天已經會我地準備好曬一切就唔需擔心架啦
當一個人失落既時候，唔知幾時先情況先會好轉
我都試過，失落咗好耐，唔知幾時自己先會開心番
但係人生就係咁架啦，永遠都唔知將來發生咩事
不過只要記住，每個人既一切一切，上天已經安排好
要發生既，你點阻止都唔會阻止得到
屬於你既，無論點都會返黎你身體
| 
