2009-2010既學年完結啦，等我又總結一下先
九月開學既時候真係好難過
因為人地返學我放假，真係難受
唯有係補習社到做住先啦
仲有，俾我加入咗一間教育中心
佢地有數學班就會俾我教，係奧數班
所以就要自己搵課題，搵題目啦
之前冇諗過自己會教奧數，因為我根本未夠班
但係做落教落又OK喎
之後仲教第二間、第三間，仲有其他既補底班
十二月返黎代咗三日
雖然只係得三日，但係我已經開心曬
三日lunch裏面有兩日都係同之前教過d班食飯
勁變態，有次大約係廿七八人一齊食飯
聖誕假去咗間小學到教科學班
教過一次科學之後以後都唔會再教啦
最麻煩係要諗有咩實驗岩d小朋友做呀
下學期係觀塘搵到份高薪既星期六班
都係要自己準備notes
復活節假後有間係葵涌既學校開新高中課後班
果間d老師好似幾睇得起我咁
雖然d野都做到好夜，但係正如佢地老師講果句
「而家做定，將來實會有用既」，我都係願意做既
上咗一堂之後我就搵到間代課啦，所以有d麻煩
講真,如果唔係開始咗一堂的話，我真係唔教囉
但係開咗個頭就算啦，唔想中途換人，唯有自己辛苦d囉
代課一代就代到學期尾
講真教applied math真係教得唔係咁好囉，因為我止終都係冇讀過
電腦方面，我到而家都唔明點解一個word可以教成3個月架？
math緊係冇問題啦,強項呀
最欣慰既係，佢地全班都有好成績，真係有進步
起碼冇丟到原任老師個架
到咗六月就輕鬆好多囉
因為教班又已經完咗啦
都因為係考試期間，所以只係返半日
又唔使改好多卷
七月就返學校打橋牌
因為想幫佢地係比賽到攞好啲成績
講真，我地學校可以係全港學界咁多年都有成績
都係多得班師兄返黎教班學生咋
因為如果得一個老師帶既話能力係有限
雖然佢地今年冇咩成績，不過下年就會有架啦
同埋係師生校友杯到攞到咁好成績，應該會為佢地帶黎好大既動力
暑假都算得閒，只係教啲暑假班
期待未來九月的新環境、新工作、新同學、新挑戰 | 
<--變色後