最近去咗間學校到代課
係新浦崗，去咗兩次都唔識去
結果勁樣衰，第1日返工就遲到，遲到咗3分鐘
唉 我已經六點四出門口架啦，咁都要遲到，想點？
我返學校未試過遲到架，今次係第1次，真慘
問題係我根本唔知點去間學校先係最快最方便囉
唔明點解香港仲會有d地方咁難去
間學校有好多奇趣既地方，應該係話同我之前接解過d學校好唔同
佢地一日有10堂，但係半個鐘一堂
但係佢地又係全部孖堂喎，則係咩堂都上一個鐘
其實係一日上5堂，我唔明點解分10堂唔分5堂囉
佢地會朝早收功課，所以早會+班主任時間有成7個字咁多
(其實有少少小學feel)
佢地唔係早讀係午讀，lunch返黎之後有7個字午讀
佢地集隊係打橫排，唔係打直排
佢地有d堂會隔個星期上，所以有d堂可能一個月先見一次
佢地個課室長D同埋窄D，感覺上好似空曠D
仲有就係佢地上堂嘈到爆，冇論邊班上咩堂都係，你地估吓點解？
教8班電腦，1班數學同1班中六
其實都幾忙，因為電腦同中六果班我都未教過
星期二放學之後要撘的趕去上葵涌教課後班
的士錢毫咗73蚊，不過唔緊要啦
上葵涌果間我都鐘意教，辛苦D都覺得好開心
哈哈，我用朱古力同佢地換咗支益力多番黎呀^^
| 
