依個星期既聖誕節，真係過咗一個又繁忙、又豐富既聖誕假期呀
教班變咗教中文，睇燈飾變咗玩過夜，真係精彩
係頭果四日，星期一至星期四，接咗個班要係馬鞍山到教
其實真係有小小後悔，因為咁就番唔到去聯歡會同佢地一齊玩啦
仲唔止添呀，因為今次要教埋科學班
但係d物資同課程又未準備得充足，結果就要自己準備，自己搞掂佢啦
真係要多謝Peter呀，因為差唔多科學班既野都係佢幫我搞掂
諗番都真係辛苦呀，搞到d實驗要日日清，日日要諗聽日做d咩
去到最後一日本來自己早咗出去搞小小野
結果原來中文班果個導師冇番，結果就臨時搵我頂啦
好彩係教標點符號姐，都算係識小小啦
咁我就變咗第一次教中文啦
星期三晏就去咗觀塘唱K，佢地唱K既喜好與其他人有小小不同
唱完去食野，之後搵野教，買咗幅啤，係球場看台玩
玩鋤D，之後佢地教我玩咩地主，我再教佢地玩意大利橋牌
本來諗住佢地玩2rounds就唔想玩，點知越玩越想玩喎佢地
球場熄燈，改咗去M記玩，個個都做咗「送分王」
十一點八離開觀塘，結果都係撘唔到尾班西鐵
搞到要去荃灣撘巴士番去，搞到一點九先番到去，兩點十一先訓得
星期四教完班就離開馬鞍山囉，最後係以super lemon結束
之後就番屋企休息啦
星期五朝早搞公司野，晏就就出去補習
之後就約咗出去尖沙咀睇燈飾
我有好多年冇出過去睇燈飾啦，我諗都有十幾年啦
尖沙咀有漂泡沫呀，好靚架，快d去睇吓啦
仲有係許願紙，我同我d學生許咗願呀
之後又去咗油塘過夜，勁癲囉我地，撘地鐵都要玩
我地由一點玩到七點，都係玩同一樣野
今次有5個人，教佢地玩5個人既玩法
不過佢地都係覺得4個人既法去好過5個人玩
結果我地就搞跟隊啦，最低分一個就休息一下
佢地勁打加時囉，打咗好多鋪都係平手分唔出勝負
我玩咗好耐都有d攰，係時候休想陣
七點幾先走，勁肚餓
撘車就訓到落車
番到屋企就訓足全日啦
依個星期就係過得快呀，但係快得黎又開心喎
| 
