又一個星期啦，今個星期開始咗暑假班啦
還好，有得俾我教吓班
唔錯，係1對9既補底班
不過d學生既反應就麻麻，可能佢地真係有好多唔識啦

今年rose bowl都打完啦
田家炳最後個名次係9-12名，唔錯啦
約咗出去打邊爐，好耐冇出過去食啦
連埋阿sir總共有11個
食完之後上埋阿sir屋企打橋牌
成年冇打過，有一個反勝的機會，可惜把握唔到

到咗七月尾啦，仲未搵到學校
不過我心情已經放鬆咗好多啦
實習完到而家都兩個月啦
希望又希望過，焦慮又焦慮過，擔心又擔心過，失望又失望過
到咗而家都冇咩好再諗啦
好好地輕輕鬆鬆咁樣享受吓現在啦
唔好再為將來已煩惱啦
將來係無法估計的，為咗一d唔知既野而煩惱真係好冇謂架
所以就好好地珍惜現在，享受現在啦

琴晚收到個消息，唔知係好定唔好呢？唔知會唔會真係amazing呢?

好耐冇打過blog啦，因為最近都冇咩發生
都係咁，都係咁樣一日一日咁失望
到咗而家，我已經唔會再有希望可以搵到教師啦
轉咗TA吧
我已經冇咩所謂啦
搵到咪係咁，搵唔到咪又係咁
根本就係睇運、睇彩數
都唔係睇實力
有d說話真係好岩「幸運是成功的一個重要元素」
其實我已經為教師開始做準備，不過都係得不到個天既批準
laughing哥句說話真係好岩
「個天俾你行你先好行，個天唔俾你行你諗都唔好諗呀」
總知，所有野都係天注定的
而家唯有再等啦，再忍耐多一陣

還好既係，俾我搵到一間中學既暑期班
教兩個星期，有得教我就開心架啦
不過問題就係，結果有interview都去唔到啦