今日係我同佢相識1000日既大日子
咁岩我果blog就有1000個人氣
真係有趣
依一個年度發生咗好多事
真係一波未平一波又起
1000日冇辦法出黎慶祝
但係我都準備咗禮物俾你
雖然唔知你見到有咩反應
就算是沒有驚喜都好，總希望你收到會開心
以下就係我寫俾佢既信：
今個星期日就係1000日啦，但係我地而家搞到咁，大家都唔想，當中我都佔咗好大責任，如果唔係我既愚蠢，就唔會搞到今日既結果。1000日係一個好長既時間，如果唔係你，我就唔可以係d三年幾以來都咁開心。如果要我講人生最開心既一件事，一定係可以識到你依個咁好既女仔。識到你真係有緣份，可以係打牌到識到你，真係難得，仲要係大家都一齊有讀A.Math同理Account，到你而家讀IVE，我仲可以教到你小小野，真係緣份。不過而家搞到咁，只怪我唔識同你相處。記得我仲讀緊大學既時候，有兩科唔合格要重讀，就係因為你，我先冇放棄過，我先可以逃上失敗既難關。係因為我知道，就算我讀書唔好都唔緊要，因為可以識到你，同你有一段好好既關係。而家諗番轉頭，先知道自己有幾咁冇用，冇好好同你相處，搞到今日地步，真係自作自受呀。
對於你，就變得好無辜啦，係一件相當痛苦既事呀。想番起以前只係為咗一d好少既事就同你嘈，可能只係因為你冇接我電話，你忘記打俾我，又或者你冇同我講之後去邊就嘈起上黎，次次都俾我閙，真係好變態，我自己都唔會忍受得到，仲要你日日報到晚晚打俾我，我既專制令你受咗三年幾苦。我真係諗唔到有咩方法可以補償，而家可以做既只係同你講句「對唔住」，但係我都唔會期望得你既原諒，因為我真係做錯咗，錯到連自己都原諒唔到自己，真係「對唔住」。
我地大家已經冇咩關係，但係我會記得，你係對我最好既人，你係令我最開心既人，我係到真心祝福你地，之後既日子可以生活得開心幸福快樂。記住呀，佢先係真正俾到幸福你既人呀，而唔係我。我地之間既承諾已經不再存在，但係我希望你可以對我承諾多一次，就係好好對待你的另一半，讓你地可以開心落去。
送上99粒幸運星，希望你收到開心之餘，就送上我既祝福，希望你的幸福可以長長久久。
 
| 
